നിരാശകാമുകന് 2013 (re post)
കണ്ണുകലങ്ങി മറഞ്ഞതറിഞ്ഞോ
കരളുകരിഞ്ഞു പൊടിഞ്ഞതറിഞ്ഞോ
നെഞ്ചില് തീകാറ്റെറ്റതറിഞ്ഞോ
കാലില് വേര് പടര്ന്നതറിഞ്ഞോ
കണ്ണില് നോക്കി ഇരുന്നതുമല്ലേ
എന്നില് പ്രണയം ഓതിയതല്ലേ
സ്വപ്നം കോരി നിറച്ചതുമല്ലേ
എന്നിട്ടപ്പോള് സോദരനെന്നോ?
ശ്യാമള കോമള ഉദ്യാനങ്ങള്
നുകരാന് നിറയെ ഐസ്ക്രീമുകളും
കണ്ണില് കണ്ട കടകള് നിരങ്ങി
എന്കാശെത്ര പൊടിച്ചടി ദുഷ്ടേ
ചാവാലിപശു പോലെയിരുന്നു
തിന്നു തടിച്ചു കൊഴുത്തതുമല്ലേ
എങ്കിലും എന്നോടീ ചതി ചെയ്തു
എന്നെ നീയും സോദരനാക്കി
കരയാനൊന്നും എനിക്കിനി വയ്യ
താടിവളര്ത്താന് നേരവുമില്ല
കള്ളുകുടിക്കാന് കാരണമല്ല
നീ പോയി പണിനോക്കെടി പെണ്ണെ
പണ്ടേ തോന്നി നീയൊരു കള്ളി
അന്നേ ഞാനൊരു ചൂണ്ട ഒരുക്കി
നിന്റെനുജത്തിക്കൊരു കത്ത് കൊടുത്തു
നീയില്ലേല് അവളുന്ടെടി പെണ്ണെ
കണ്ണുകലങ്ങി മറിഞ്ഞതുമില്ല
കരളുകരിഞ്ഞു പൊടിഞ്ഞതുമില്ല
നെഞ്ചില് തീകാറ്റ്ഏറ്റ്തുമില്ല
കാലില് വേര് പടര്ന്നതുമില്ല
0 comments:
Post a Comment