ഓരോ വേട്ടക്കാരനും ഇരയുടെ സ്വന്തമാണ്
നിരായുധനായ വേട്ടക്കാരനാണെങ്കിലും
എത്ര വേഗത്തില്‍ ഓടുന്ന മൃഗമാണെങ്ങിലും
അതു അങ്ങിനെ തന്നെയാണ്
ഒരു ചെറിയ കല്ലുകൊണ്ട്
എറിഞ്ഞെന്നു വരുത്തി വേട്ടക്കാരനും
ഏറുകൊണ്ട് മോഹാലസ്യപെട്ടെന്ന പോലെ
നിലത്തു വീണു കൊണ്ട് ഇരയും
അവരുടെ ഭാഗങ്ങള്‍ ഭംഗിയാക്കുന്നു
ഓരോ ഇരയ്ക്ക് പിറകിലും ചങ്കുതുളയ്ക്കുന്ന
മൂച്ചയുള്ള ഓരോ ചൂണ്ടയുണ്ടെന്നറിയാതെ
വേട്ടക്കാരന്‍ സ്വയം ഇരയാകുന്നു
ഇരയെ കെണിയില്‍ പിടിച്ച സന്തോഷത്തില്‍
പഴയ ഇര ഇപ്പോള്‍ വേട്ടക്കാരനുമാകുന്നു
ഓരോ ഇരയും വേട്ടക്കാരന്റെ സ്വന്തമാണ്
ഓരോ വേട്ടക്കാരനും ഇരയുടെയും
