അതിരുകള്‍

ആകാശത്തിന്‌ അതിരുകളുണ്ടെന്ന്

അറിയാതെ പറന്നതിനാല്‍

ഹൃദയത്തില്‍ വെടിയുണ്ടയേറ്റ്

ഒരു ദേശാടനക്കിളി താഴേയ്ക്ക് പതിച്ചു



കാട് നാടായതും നാട് കാടയതും അറിയാതെ

ഇര തേടിയിറങ്ങിയ പുലി

കല്ലും വെടിയും കൊണ്ട് ...

ചത്തുമലച്ച് കിടന്നു



മാളത്തിനു മുകളില്‍ പതിച്ച യന്ത്രകയ്യില്‍

വരിഞ്ഞു ചുറ്റി കൊത്തി പ്രതികരിച്ച

പാവംസര്പ്പരാജാവിനെ അവ അവര്‍

പത്തലിനു തല്ലികൊന്നു



ഒഴുകുന്ന പുഴക്കിടയില്‍

കാണാത്ത അതിരുണ്ടെന്ന്

അധികാരം പറഞ്ഞ്

കോടതി കയറുന്നുണ്ട്

രണ്ടു ദേശക്കാര്‍



അതിരുപങ്കിടുന്ന പൊരുത്തക്കേടില്‍

തോക്കിലെ പൊടി തട്ടി

ഇപ്പോഴും കാത്തിരിക്കുന്നുണ്ട്

ഇരുളില്‍ ഒരു കൂട്ടര്‍



ഇനി ഞാനായെന്തിനുകുറയ്ക്കണം

വേലിയില്‍ ഒരു ബോര്ഡ് വെച്ചു

“അതിക്രമിച്ചു കിടക്കുന്നവര്‍ ശിക്ഷിക്കപ്പെടും”

വായിക്കാനറിയാത്ത കാറ്റും വെളിച്ചവും

എന്ത് ചെയ്യുമോ എന്തോ